السبط الثالث


المواضيع الأخيرة
» أختاري من 1 الى 10 وشوفي طبعك
الإثنين ديسمبر 26, 2011 1:49 pm من طرف بنت الرافدين

»  صدق او لاتصدق معتقدهم هو السحر ويؤمنون به
الأحد ديسمبر 25, 2011 3:18 pm من طرف لؤلؤة النيران

» أوباما يعين الفنانه شاكيرا مستشارة بالبيت الأبيض
الأحد ديسمبر 25, 2011 3:10 pm من طرف لؤلؤة النيران

» تحويل التاريخ من هجري الى ميلادي وبالعكس
الأحد ديسمبر 25, 2011 2:11 pm من طرف لؤلؤة النيران

» قاض يفسد حيلة زوجة طلقت نفسها برسالة جوال
الثلاثاء نوفمبر 29, 2011 12:55 pm من طرف حسن سالم

» بأمر الحب.. فتاة تونسية تتزوج من شاب مصاب بفيروس الإيدز
الثلاثاء نوفمبر 29, 2011 12:49 pm من طرف حسن سالم

» حكم يحسب ضربة جزاء تسببت ببتر اصابعه
الثلاثاء نوفمبر 29, 2011 12:42 pm من طرف حسن سالم

» الحزب النازي وصور حقيقية لانتحار هتلر
الجمعة نوفمبر 18, 2011 2:36 pm من طرف حسن سالم

» قصة الحقيقية لحياة هتلر
الجمعة نوفمبر 18, 2011 2:10 pm من طرف حسن سالم

ديسمبر 2016
الإثنينالثلاثاءالأربعاءالخميسالجمعةالسبتالأحد
   1234
567891011
12131415161718
19202122232425
262728293031 
اليوميةاليومية

شاطر | 
 

 مأساة مدرس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: مأساة مدرس   الثلاثاء أبريل 14, 2009 8:27 am


بسم الله الرحمن الرحيم
انا مدرس ادرس في احد محافظات المملكة اتقاضى راتبا لابأس به يتعدى الست الاف وطبعا انا كنت ساكن بعيد عن المحافظةهذه يعني ساكن في مدينة تبعد عن هالمحافظة 230 كيلوا وانا كل يوم رايح 230 كيلوا جاي 230 كيلوا وكنت غير متزوج يعني لا ولد ولايحزنون وهذا اللي صبرني على الحاله هذه المهم كنت طالع في يوم من الايام حتى اركب السيارة واطلع الى المشوار اللي كل يوم وانا طالع لقيت شاب بوجهي قالي السلام عليكم ورحمة الله وبركاته قلت له وعليك السلام ثم قال لي انا يا اخوي محتاج وعاوز فلوس انا رحت الى كل الشركات والمؤسسات لكن كلهم يطلبون شهادات عاليه مرة وانا بعد ما دريت انك رجال شهم وكريم صممت اني اجي اليك من اجل انا ابيع بسوق الخضرة تكفى يالنشمي

انا فعلا انحرجت قلت له اول شي تقهوى عندي واشرب كاسة شاي ثم عاد الله يفرجها دخل الرجال الديوانيه ثم رحت انا اصلحله فنجان قهوة وكاسة شاي وانا في المطبخ فكرت شوي وقلت لا يكون هذا من هالشحادين اللي ينصبون على العالم ولكن راجعت نفسي وقلت أي والله هذا شاب محتاج ويبدو ان قصته حقيقية وانا يجب انا اساعده غدي يفتحها بواسطة احساني الى الشاب وانقل الى المدينة اللي انا بها ثم ا لقيت بدزداني ستة الاف ريال قلت اعطيه الفين واخلي لي اربعة الافريال وفعلا عطيته الفين وتشكرني على هذا ثم سالته عن اسمه فقال لي فلان بن فلان ثم حلفت عليه انه يتغذى لكن قال لي ماقصرت لكن انا ودي امشي وراح الى حال سبيله ثم انا رحت الى المحافظة اللي بها المدرسه اللي انا ادرس فيها وظل الحال 230 كيلوا رايح 230 كيلوا جاي سنة كامله حتى جاء يوم من الايام وحدث اللي ما اتوقعه وانا ماشي على الخط السريع لقيت بوجه راعي يبي يقطع الخط انا مسكت بريك لكن السيارة خانتني وما وقفت الا شفت الراعي طايعح على الخط انا بسرعة شلت الراعي من على الخط وديته على جانب الخط وسفطت السيارة ايضا من اجل ان لا يطلع واحد يكمل عل الراعي وفعلا جسيت نبض الراعي لقيته ينبض ثم قررت اني اركبه معايه في السيارة ووديه الى محافظة اللي تبعد50كيلوا وكان فيها مستشفى به اجهزة حديثة طبيه و كان الرجال ينزف فلما وصل الى المستشفى قال لي الطبيب قال لي الطبيب لازم ندخله العمليات لان الحاله خطرة قلت سو اللي تشوفه زين وبعد خمس ساعات من الانتظار قال لي البفاء براسك انا انخرعت وقلت هذه نهاية حياتي وقال لي الطبيب لازم تكمل الاجراءات القانونيه ذوترح الى الشرطة وتشرح لهم كيف صدمت الرجال وبعد ذهابي الى الشرطة وقفوني في الحجز الى ما يشوف الشيخ وش جرمي وقرر الشيخ انه قتل عمد لاني كنت امشي عل الخط 180 أي مسرع ومخالف لقواعد المرور وقرر القصاص علي او الديه اذا طالب اهله بالديه وانا رحت الى اهله وترججيتهم انهم يعفون عن القصاص ويطالبون بالديه وتوسلت ايديهم وببعدين قال لي اولده الاكبر والله ندري انك شاب والمستقبل قدامك طويل فانا اعفوا عن القصاص واطالب بالديه لاننا الان محتاجين وماعندنا شيء ناكله فقلت لهم انا متشكر لكم كثسر وما ادري وش اسوي من اجل انا ارد لكم هذا المعروف وفعلا انا بعد اسبوع حصلت مائة الف بعد ما بعت البيت والسيارة وعطيتهم اياها ونتيجة لتوقيفي في مركز الشرطة في المحافظة اللي دام شهر كامل وانشغالي بالحادث جاء قرار فصلي بسسبب التغيب عن المدرسة مدة طويله رحت انا الى المدرسه وشرحت لهم وضعي وسبب غيابي لكن المدير قال لي القرار ليس بيدي القرار بيد ادارة التعليم ثم بقى معي 15 الاف ريال اللي صفرت بشهرين بعدها صفيت على الحديدة وتشردت وصرت انام بالشوارع واشحد بالاسواق حتى جاء يوم من الايام وانا اقرأ باحد الجرايد المرميه على الارض وكانت بتاريخ قبل ثلاثة ايام مكتوب بالخط العريض رئيس شركة ..........فلان بن فلان يتلقى ربح نص مليون ريال لقاء المناقصة اللتي رست عليه وانا بعد ما قريت الاسم دريت ان الاسم هذا اكيد مر ىعليه وبعدين اخذت اتذكر واتذكر وبعدين تذكرت الشحاذ اللي جاني الصبح يبي يسوي سوق خضرة اللي عطيته الفين ريال قلت: مهي معقول الفقير صاحب سوق الخضرة عنده ملايين تهولت قلت اشوف صورته يمكن تشابه اسماء وبعد ما قرأت الاسم دريت انه هو قلت يارجل رح اليه يمكن يذكر اني في يوم من الايام قدمت له معروف هو اللي وصله للحالة هذه من الغنى فعلا رحت الى الشركة اللي هوبها ىالى ان وصلت الى السكرتير ماله وقلت له اريد انا اقابل المدير قال عندك موعد قلت لا قال اجل كيف تبي تقابل المدير قل انا اعرفه واذا درى انني هنا راح يرحب بي قال السكرتير اصلا المدير مايقاب مثللك ثيابه مقطعه والحاله حاله يالله اطلع بره انا حاولت انني ادخل لكن السكرتير رماني على الارض وفجأة وانا طايح على الارض فتح الباب المدير بذاته وقال للسكرتير
:وش قصة هذا ؟ قال السكرتير هذا واحد شحاذ يبي يقابل معاليك يقول انه يعرفك قال المدير لي وش اسمك قلت انا فلان بن فلان اللي مرة جيتني الصباح تطلب الفين ريال وانا ماقصرت عطيتك اياها وانا الالن ابيك ترد لي معروفي وتوظفني عمدك عندها انقلب وجهه وقال صديق المدي المليونير اللي جنبه صحيح الي يقوله ؟؟ سكت ثم قال انت تصدق ها النصاب وبعد ما سمعت الكلمة النصاب قللت ايه يالزمن صحيح ان الطيب مايسوي شيء في هالزمن ثم عاد عادى طلعت من الشركة هذه وراح اخر امل لي اني ارجع لحياتي السابقة حياة المدرس اللي ياخذ ستة الاف المهم اني كنت منزل راسي وابكي شافني واحد قال ليه تبكي يا رجل ؟؟ قلت يارجل قله قصتك يمكن يشفق عليك ويعطيك كم فلس وسردت له قصتي من طقطق لسلم عليكم وبعد ما سمع قصتي قال افا وانا ولد ابويه ماتظل على الحال وانا عندك ؟؟ بعدها طلع المحفطة وعطاني والله ما اذكر لكن هن حوالي السبع الاف وقال لي اذا تبي شي ء تعال ولا يردك الا لسانك قلت له مشكور وما قصرت وعسى الله يقدرني وارد معروفك قال لا احسبها عطية ما من وراها جزيه قلت الله يعافيك ويسلكم ويبارك في مالك ثم قال لي ترا في محل بالحارة هذه لااجاره رخيص مرة تعال اوديك اليه وبعدين وداني اليه ما صدقت هالامر مكتوب على اللوحة الاجار ب200 ريال قلت هذا حلم واللا علم محل طويل عريض ب200 ريال ثم شكرت الرجال ورحنا نوقع العقد ثم قال لي الرجال الطيب انتبه لبنفسك ولا عاد تسلف احد قلت وانا مبتسم ابشر ثم نزلت بالمحل خضرة ومواد غذائيه والعاب اظفال وبعض الحاجات وضليت على المحل واخذت الفلوس تزيد وتزيد حتى فرجها الله وصار الربح بالشهر حوالي 5 الاف ريال وتيسرت المور متركت حالة الفقر والشحااذه وفي يوم من الايام جاني عامل في المحل اللي املكه وقال دريت بالعرس اللي يبي يصير بكرة تبي تروح تراه عرس رجال يعز علينا ورجالا اجودي ويمدحون كرمه وتراه جابلك كرت عرس ولما فتحت الكرت لقيت اسم المدير اللي طردني واللي قبل عطيته 2000ريال قلت جتني بارده مبرده والله لافضحه وقول للناس حقيقته اللي منغشين بالمظاهر فعلا رحت يم العرس ودخلت سلمت على العريس عندها تفاجىء واتوقع حضوري لانه اعطاني كرت العرس وهو يدري اني ما ابغى اجي وبعد ما خلص الناس من العشاء وشربوا الشاي قمت انا و ووقفت على حيلي وقلت يناس اسمعوا انا ابي اقول لكم قصة هالغشاش الكذاب وانتم احكموا بيننا الناس تهولوا وقالوا كيف تسب العريس في يوم عرسه وانت تدري انه صاحب اخلاق كريمة قلت انتم اسمعوا اول ثم احكموا قالوا تفضل قلت انا:انا رجال كنت غني بعض الشيء كنت مدرس جاني هالرجال اللي قدامكم الصبح وقال ابي الفين ريال انا شفت حالته قلت خلني اعطيه هذا مسكين وبعد ما عطيته راح هو واشتغا ووصل الى ما وصل اليه الحين وانا بعد ماكنت مدرس صاري حادث وقلب حياتي راس على عقب وصرت فقير بعد ماكنت غني وانا جيت هالرجال اللي تشوفونه وقلت له وظفني عندك رفض وطردني وبعدها جاني رجال نشمي وساعدني واستاجرات محل وبعت به حتى صرت مثل ماتشوفون رجل اعمال مقتدر بعدها تهولوا الناس وقال معقوله تطلع الحاجات هذه من العريس بعدين قال العريس انا اول ما كنت ابي ادافع عن نفسي لا كن انت دفعتني الى هالامر ابدأ اولا انا العريس واقول وش رايكم انني كنت اسولف مع صديق لي واقول عن صفاتك النبيلة وموقفك معايه فلما جيت انت وشفتك ما بغيت صديقي يدري انا اللي ساعدي في يوم من الايام هو الان ثيابه مقطة وحالته مزريه فطرتك على اساس هذا واول ما ظلعت انت ارسلات واحد من الموظفين من اجل انا اعطيك 7 الاف واشتريت محلك اللي الحين انت به وكنت ودي انا اعطيكاه بلاش لكن خفت انك تشك فاجرته لك ب200 ريال وهذه ىهي القصة بعدين انا بكيت ورحت اضم صديقي وتعانقنا وقلت انا اسف ماكنت ا قصد قال لي ماعيلك أي واحد كان مقهور زيك راح يسوي مثل هالشيء وانتهت قصتي وبعد هذه الحادثة اييقنت بانك ان قدمت معروفا لا حد فان الله سيجازيك بمثله وارجوا انكم اخذتوا الفائدة من قصتي . والسلم عليكم ورحمة الله وبركاته

هديه نمر
الرجوع الى أعلى الصفحة اذهب الى الأسفل
 
مأساة مدرس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
السبط الثالث :: قسم الادب والثقافه :: منتدى القصص والروايات-
انتقل الى: